Abadidən növbəti açıqlama: Türkiyəyə hücuma necə razı olaq?

Heç bir qruplaşmanın İraq torpaqlarından istifadə edərək Türkiyəyə hücum etməsinə icazə verməyəcəyik.
Qanunvehedef.az xəbər verir ki, bu sözləri İraqın Baş naziri Heydər Abadi söyləyib. O, PKK-da daxil olmaqla, ölkədə fəaliyyət göstərən bütün terrorçu qruplaşmaları silahı yerə qoyrmağa çağırıb:
“İraq, Türkiyə və Suriya sərhədində təhlükəsizliyin təmin edilməsi məsələsini Nazirlər Kabinetində ətraflı müzakirə etdik. Xüsusilə Qəndil bölgəsində aktivləşmə müşahidə olunur. Həmin ərazi İraq, Türkiyə və İran üçbucağıdır. Dövlət xaricində bütün qruplaşmaları tərk-silah edilməyə çağırdığımız halda, bir terror təşkilatının qonşu ölkəyə hücum etməsinə necə icazə verə bilərik?!”
Qeyd edək ki, Abadi bundan öncə verdiyi bəyanatlarda Türkiyənin İraq daxilində əməliyyata icaz verməyəcəyini bildirsə də, sonradan baş nazir PKK-ya Türkiyəyə qarşı hücum etməsinə əngəl olacaqlarını bildirmişdi.