Caqaryanın paylaşdığı bu foto Zərifi özündən çıxartdı
Baxılıb: 264 Tarix: 12-08-2021 10:50
Rusiyanın Tehrandakı səfiri Levan Caqaryanın İngiltərənin Tehrandakı yeni səfiri Simon Şerklif ilə rəsmi Tvitter hesabında paylaşdığı foto iranlıların narazılığına səbəb olub. Caqaryan paylaşımında “İngiltərənin səfiri Simon Şerklif ilə 1943-cü ildə Tehran Konfransının keçirildiyi tarixi pilləkəndə görüşümüz” ifadəsini yazıb.Qanunvehedef.az xəbər verir ki, İranın xarici işlər naziri Məhəmməd Cavad Zərif səfirin paylaşımına sərt reaksiya verib.
“2021-ci ilin avqustunun nə 1941-ci ilin, nə də 1943-cü ilin dekabrı olmadığını xatırlatmağa ehtiyac var? İran xalqı nüvə razılaşması danışıqları da daxil olmaqla, heç vaxt xarici səfirliklərin və ya xarici güclərin göstərişinə tabe olmayacağını göstərdi”, - Zərif bildirib.
Sözügedən yazı İranın sosial media istifadəçiləri arasında da reaksiyalara səbəb olub.
Qeyd edək ki, İranın 28 noyabr-1 dekabr 1943 tarixlərində İngiltərə Prezidenti Uinston Çörçill, Sovet İttifaqı dövlət başçısı İosif Stalin və ABŞ Prezidenti Franklin Ruzvelt arasında İranda keçirilən Tehran Konfransına o dövrün İran rəhbərliyi dəvət edilməmişdi.
Ən çox oxunanlar
Son xəbərlər
