Tiflis yenə vədini pozdu, AB tənqid etdi

Avropa Birliyinin Gürcüstandakı səfiri Karl Xarçel Gürcü Arzusu Partiyasının baş prokurorun təyinatı prosedurunun dəyişdirilməsiylə bağlı Konstitusiyaya düzəliş etməkdən imtinasını tənqid edib.
Qanunvehedef.az xəbər verir ki, bunu o, jurnalistlərə açıqlamasında deyib.
“Təəssüf ki, Gürcüstan baş prokuroru seçkisinin keçirilməsi ilə bağlı əsas düzəliş ləğv edilib. Düzəliş təyinat üçün partiyalararası geniş dəstəyi təmin etməklə bərabər, baş prokurorun təyinatının yalnız bir partiyaya həvalə edilməsi riskini də azaldır”, – deyə o bildirib.
Qeyd edək ki, baş prokurorun təyinatı ilə bağlı Konstitusiyaya düzəliş öhdəliyini bir müddət öncə Gürcüstan hökuməti üzərinə götürmüşdü. Bu düzəlişə əsasən, baş prokuror parlamentdə kiçik səs çoxluğu ilə yox, səslərin 3/5-nü toplamaqla seçilməliydi.шаблоны для dle 11.2