20 il sonra 15 şəhidin qisası alındı

Türkiyənin Bitlis bölgəsində ötən ay keçirilən antiterror əməliyyatı zamanı öldürülən 10 terrorçu arasında adı “qırmızı axtarış siyahısı”nda olan Səfər Açar da olub.
Qanunvehedef.az xəbər verir ki, bu barədə Türkiyənin Daxili İşlər Nazirliyindən informasiya yayılıb.
Məlumata görə, “Velat Gever” kod adlı terrorçu PKK-nın Qarzan əyaləti üzrə rəhbəri olub. O, 1998-ci ildə İraqın şimalında “Skorski” tipli türk helikopterinin vurulmasına rəhbərlik edib.
Terrorçu zərərsizləşdirildikdən sonra onun üzərindən həmin dövrdə tədavüldə olmuş 500 min türk lirəsi çıxıb. Əsginazın üzərində “herkoda vurulan helikopterin pilotunun puludur, 11.27.1998” yazılıb. Bu isə sözügedən terrorçunun qanlı hücumun xatirəsini qeyd etmək üçün 20 il əvvəl bu pulu götürdüyünü və 20 il sonra şəhidlərin qisasının alındığını sübut edib.