İrəvanda rus qorxusu: Zabitlərimizi göndəririk, lakin...
Baxılıb: 439 Tarix: 31-07-2018 11:18
Ermənistan Müdafiə Nazirliyi NATO-nun tədbirinə qatılmasına haqq qazandırmaq üçün müxtəlif bəhanələr səsləndirməyə başlayıb.
Qanunvehedef.az xəbər verir ki, Gürcüstanda avqustun birində start götürəcək NATO-nun “Layiqli tərəfdaş 2018” təlimi haqqında öz Feysbuk səhifəsində fikirlərini bölüşən Ermənistan Müdafiə Nazirliyinin mətbuat katibi Artsrun Ovanisyan, Rusiyanın qəzəbindən qorunmaq üçün bu təlimin NATO yox, guya Gürcüstanın keçirdiyini iddia edib.
“Təlimdə 4 erməni zabit iştirak edir. Təlim ABŞ-ın Avropadakı Quru Qoşunları və Gürcüstan Silahlı Qüvvələrinin birgə iştirakı ilə Vaziani və Norio bazalarında keçiriləcək. Təlimi NATO təşkil etməyib, amma burada iştirak üçün dəvət NATO üzvləri və tərəfdaşlarına göndərilib. Erməni zabitləri təlimə Gürcüstan Müdafiə Nazirliyi dəvət edib”, - deyə o bildirib.
Qeyd edək ki, təlim avqustun 15-də başa çatacaq. Təlimdə 13 ölkədən (Azərbaycan, Gürcüstan, Ermənistan, Almaniya, Fransa, Estoniya, Birləşmiş Krallıq, Litva, Polşa, Norveç, Türkiyə, Ukrayna və ABŞ) 3000-dən artıq hərbi qulluqçu iştirak edəcək.
Keçən il Ermənistan bu təlimə 40 nəfərlik kontingentlə qatılmışdı.
Ən çox oxunanlar
Son xəbərlər
