Rusiya Estoniya səfirini fevralın 7-sinə kimi ölkəni tərk etməsini istədi

Rusiya Estoniya ilə diplomatik münasibətlərin səviyyəsini aşağı endirir.
Qanunvehedef.az xəbər verir ki, bu barədə Rusiya Xarici İşlər Nazirliyi məlumat yayıb.
Bildirilir ki, Estoniyanın Rusiyadakı səfiri XİN-ə çağırılıb və ona Estoniya hakimiyyətinin atdığı addımlarla bağlı kəskin etiraz edilib. Həmçinin səfirə fevralın 7-dək ölkəni tərk etməsi barədə sənəd imzaladılıb.
Rusiya XİN-dən bildirilib ki, ikitərəfli münasibətlərin bu şəkildə inkişafı ilə bağlı bütün məsuliyyət Estoniyanın üzərinə düşür. Rusiya Federasiyası Estoniya rəhbərliyinin düşmən addımlarına cavab verməyə davam edəcək.