Tehran həbsxanasında azərbaycanlıya işgəncə verilir

İranın paytaxtı Tehranda Evin zindanında saxlanılan azərbaycanlı milli-mədəni fəal İbrahim Nurinin işgəncələrə məruz qaldığı bildirilib.
Qanunvehedef.az xəbər verir ki, zindanın 209-cu korpusunda təknəfərlik kamerada saxlanılan İ.Nurinin yaxınları ilə görüşə bilmədiyi deyilib.
Onun qaranlıq otaqda, gözübağlı şəkildə ruhi və fiziki işgəncələr altında dindirildiyi vurğulanıb.
Qeyd edək ki, İ.Nuri iyulun 2-də, Babək qalası yürüşünə bir neçə gün qalmış Tehranda təhlükəsizlik qüvvələri tərəfindən saxlanılaraq, ETTALAAT idarəsinin nəzarətində olan Evin zindanının 209-cu korpusuna aparılıb.