Pakistan-Əfqanıstan sərhədində insident - 40 yaralı

Pakistanda Əfqanıstanla sərhəddə yerləşən “Çaman” nəzarət-buraxılış məntəqəsində sakinlərlə polis arasında qarşıdurma baş verib.
Qanunvehedef.az xəbər verir ki, bu barədə məlumatı “Dawn” qəzeti yayıb.
Bildirilir ki, insident zamanı 40 nəfər xəsarət alıb. Hadisəyə səbəb isə yerli sakinlərin keçirdiyi etiraz aksiyasının liderinin həbs edilməsi olub. Belə ki, sakinlər artıq bir neçə aydır “Çaman” məntəqəsində Pakistan rəhbərliyinin pasport və vizası olmayan şəxslərin sərhədi keçməyə qadağa qoymasına etiraz edirlər. Bundan əvvəl isə pakistanlılar və əfqanlar sərhədi şəxsiyyət vəsiqələri ilə keçə bilirdilər.
Etirazçıların sözlərinə görə, yeni qaydalar tam ləğv olunana və həbs edilən bütün etirazçılar azad edilənə qədər aksiyanı davam etdirəcəklər.

Qanunvehedef.azшаблоны для dle 11.2