Aİ daha 28 belarusluya sanksiya tətbiq etdi
Baxılıb: 517 Tarix: 05-08-2024 12:52
Avropa İttifaqı Şurası Belarusun 28 dövlət məmuruna qarşı sanksiya tətbiq edib.
Qanunvehedef.az xəbər verir ki, bu barədə Aİ Şurasının Mətbuat xidməti məlumat yayıb.
“Şura bu gün 28 şəxsə qarşı əlavə məhdudlaşdırıcı tədbirlərin görülməsi barədə qərar qəbul edib”, - bəyanatda deyilir.
Bildirilir ki, Aİ həmin şəxsləri daxili repressiyaları və insan hüquqlarının pozulmasını dəstəkləməkdə ittiham edib.
Sanksiyalar dövlət xəbər agentliyi “BelTA”nın baş direktoru İrina Akuloviç, STV telekanalında “Senat” proqramının aparıcısı və Belarus Milli Assambleyası yanında Gənclər Şurasının sədri Nikita Raçilovski də daxil olmaqla bəzi jurnalistlərə, həmçinin Daxili İşlər Nazirliyinin Baş Mütəşəkkil Cinayətkarlığa və Korrupsiyaya Qarşı Mübarizə İdarəsinin iki rəis müavininə, bir sıra hakimlərə, prokurorlara, cəzaçəkmə müəssisələrinin rəislərinə şamil edilib.
Qanunvehedef.az
Ən çox oxunanlar
Son xəbərlər
