Əli Əkbər Əhmədian Rusiyadadır
Baxılıb: 1 094 Tarix: 10-09-2024 14:57
İranın Ali Milli Təhlükəsizlik Şurasının katibi Əli Əkbər Əhmədian Rusiyanın Sankt-Peterburq şəhərinə səfər edib.
Qanunvehedef.az xəbər verir ki, bu barədə məlumatı İranın Moskvadakı Səfirliyi yayıb.
Əhmədian sözügedən şəhərdə BRICS nümayəndələrinin görüşlərində iştirak edəcək, eləcə də Rusiya Təhlükəsizlik Şurasının katibi Sergey Şoyqu ilə görüşəcək.
Xatırladaq ki, sentyabrın 10-dan 12-nə qədər Sankt-Peterburqda BRICS ölkələrinin və təhlükəsizlik məsələləri ilə məşğul olan BRICS+ nümayəndələrinin 14-cü görüşü keçirilir.
Onu da qeyd edək ki, BRICS Rusiya, Braziliya, Hindistan, Çin, CAR, Misir, Efiopiya, İran, BƏƏ və Səudiyyə Ərəbistanından ibarət hökumətlərarası təşkilatdır.
Qanunvehedef.az
Ən çox oxunanlar
Son xəbərlər
