Dağıstanda magistral qaz kəmərində partlayışlar oldu

Rusiyanın Dağıstan Respublikasının Qızılyurd şəhəri yaxınlığında yerləşən magistral qaz kəmərində üç partlayış qeydə alınıb.

Qanunvehedef.az xəbər verir ki, bu barədə Rusiya Fövqəladə Hallar Nazirliyinin regional idarəsi məlumat yayıb.

İlkin məlumatlara əsasən, diametri 1200 millimetr olan əsas qaz boru kəmərində ardıcıl üç partlayış baş verib.

Hadisə nəticəsində ölən və ya xəsarət alanların olub-olmaması barədə məlumat verilməyib.

Rəsmilər partlayışların səbəblərinin araşdırıldığını, hadisə ilə bağlı təfərrüatın dəqiqləşdirildiyini bildiriblər.

Hadisə yerində müvafiq xidmətlərin əməkdaşları işləyir, araşdırma davam edir.

Qanunvehedef.az