Erməni nazirlə görüş yarım gün çəkdi - Karasin

Ermənistan və Rusiya arasında münasibətlərdə aydınlıq, daimilik, açıqlıq, bir-birini başa düşmək niyyətləri aydındır.
Qanunvehedef.az xəbər verir ki, bunu jurnalistlərə açqılamasında Rusiya Xarici İşlər nazirinin müavini Qriqori Karasin deyib.
“İkitərəfli münasibətlər mütəmadi olaraq Avrasiya İttifaqı, MDB, KTMT inteqrasiya birlikləri çərçivəsində inkişaf edir. Qabaqcadan müəyyənliyin vacibliyi hər iki tərəfdən yaxşı anlaşılmalıdır. Bizə daimilik, açıqlıq, bir-birimizin fikirlərinin anlaşılması vacibdir”, – deyə o bildirib.
O, Ermənistanda işgüzar səfərdə olduğunu və Xarici İşlər naziri Zöhrab Mnatsakanyanla hərtərəfli müzakirə apardığını deyib. Karasin görüşün yarım gün davam etdiyini, ikitərəfli münasibətlərdə bütün məsələləri müzakirə etdiklərini söyləyib.
Diplomat həmçinin yaxın zamanlarda ticarət-iqtisadiyyat əməkdaşlığı üzrə hökumətlərarası komissiyanın iclasının keçiriləcəyini bildirib