“HƏR KƏS TÖRƏTDİYİ ƏMƏLƏ GÖRƏ CAVAB VERƏCƏK...” – Ramiz Mehdiyev Rasim Məmmədovu hədələyib

Xəbər verdiyimiz kimi, “Baku Steel Company” şirkətinin (poladəritmə zavodu) Müşahidə Şurasının sədri, 1 il 8 aydır həbsdə olan Rasim Məmmədov Prezident Administrasiyasının o zamankı rəhbəri Ramiz Mehdiyevin ünvanına müxtəlif ittihamlar səsləndirib.

Prezident Administrasiyasının sabiq rəhbəri Ramiz Mehdiyev “Unikal”a açıqlamasında deyib ki, bu məsələ barədə nəsə danışmaq istəmir.

“Mənim ona sözüm yoxdur. Kim nə danışır, danışsın. Əsas odur ki, mən özüm yaxşı bilirəm ki, hərəkətim və mənəviyyatım nədən ibarətdir. Biz hüquqi dövlətdə yaşayırıq. Hər kəs törətdiyi əmələ görə cavab verəcək”, - R.Mehdiyev ad çəkmədən Rasim Məmmədovu təhdid edib.

Qanunvehedef.az