Kürdə batan şəxslərin axtarışları davam etdirilir - Video
Baxılıb: 807 Tarix: 03-02-2021 12:15
Fövqəladə Hallar Nazirliyi (FHN) Kür çayında batdığı ehtimal olunan 2 nəfərin axtarışı ilə bağlı məlumat yayıb.FHN-dən Qanunvehedef.az-a bildirilib ki, yanvarın 31-də FHN-in "112" qaynar telefon xəttinə Kür çayının Mingəçevir şəhəri ərazisindən keçən hissəsində qayıqla balıq ovuna çıxmış iki nəfər vətəndaşın itkin düşməsi barədə məlumat daxil olub.
1980-ci il təvəllüdlü Yusifov Səfxan Aydın oğlu və 1995-ci il təvəllüdlü Sadıxbəyli Ramin Qaçay oğlunun Kür çayında batmalarına dair əsaslı şübhələrin olduğu üçün FHN-in Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-axtarış qrupları ərazidə axtarışlara cəlb olunub.
Dalğıc axtarış qruplarının həyata keçirdiyi ilkin axtarış tədbirləri zamanı çay kənarında axtarışda olan şəxslərə aid qayıq aşkar olunub.
Hazırda Kür çayı hövzəsində axtarış zonası genişləndirilib, Mingəçevir və Yevlax şəhərlərinə yaxın ərazilərdə axtarışlar intensiv şəkildə davam etdirilir.
Əlavə məlumat veriləcək.
Ən çox oxunanlar
Son xəbərlər
