Gəncədə 2 yaşlı uşaq faciəvi şəkildə öldü
Baxılıb: 1 145 Tarix: 30-06-2021 13:10
Gəncədə yanğın hadisəsi baş verib.
FHN-dən Qanunvehedef.az-a verilən məlumata görə, bu gün səhər saatlarında Fövqəladə Hallar Nazirliyinin (FHN) "112" qaynar telefon xəttinə Gəncə şəhəri, Kəpəz rayonu, Sevinc qəsəbəsində fərdi yaşayış evində yanğın olması barədə məlumat daxil olub.
Məlumat qəbul edildikdən dərhal sonra FHN-nin Dövlət Yanğından Mühafizə Xidmətinin yanğından mühafizə bölmələri yanğının baş verdiyi ünvana cəlb olunub.
Yanğın nəticəsində ümumi sahəsi 65 kvadratmetr olan birmərtəbəli ikiotaqlı evin yanar konstruksiyaları 12 kvadratmetr sahədə yanıb.
Alov yanğından mühafizə bölmələri tərəfindən söndürülüb.
Yanğın yerinin kəşfiyyatı zamanı ev sahibinin övladı, 2019-cu il təvəllüdlü Mahmudova Nuray Röyal qızının yanmış meyiti aşkar edilərək aidiyyəti üzrə təhvil verilib.
Hadisə ilə əlaqədar müvafiq qurumlar tərəfindən təhqiqat aparılır.
Ən çox oxunanlar
Son xəbərlər
