Maşın bazarında fantastik qiymətlər - Video
Baxılıb: 643 Tarix: 05-07-2021 10:48
Yay mövsümü avtomobil bazarı üçün adətən canlanma ilə xarakterizə olunur. Bu il isə mənzərə tam fərqlidir. Bazarda alıcılıq olduqca aşağıdır. Sedanlarla yanaşı SUV-ların da alıcısı yoxdur. Avtomobil axtaranlar isə qiymətlərin yüksək olduğunu deyir.
Qanunvehedef.az Xəzərxəbər-ə istinadən xəbər verir ki, satan çox, alan isə demək olar ki, yoxdur.
Havanın isti olması ilə avtomobilini sata bilməyənlər bazarı daha da tez tərk etdilər. Satıcılar alıcılığın aşağı olduğunu deyirlər.
Ai 95 markalı benzinin qiymətinin qalxması isə bu benzinlə işləyən avtomobillərin qiymətinə təsir etməyib. Belə avtomobilləri satanlar deyir ki, bu maşınlara tələbat da, qiymət də əvvəlki kimidir.
Xüsusilə yay aylarında daha çox tələbin artdığı suv tipli avtomobillərə də alıcı tapılmır. Avtomobil sahibləri deyir ki, bir neçə həftədir ki, maşınlarını sata bilmirlər.
Alıcılar isə bəzi marka avtomobillərin qiymətinin hədsiz şişirildiyini və buna görə də baha olduğunu deyirlər. Lakin xarici ölkələrdən gətirilən yeni modellərin sayının artması ilə bu tip maşınların qiyməti demək olar ki, əvvəlki qaydada qalıb.
Alıcılığın payız mövsümünə dogru normallaşacağı gözlənilir.
Ən çox oxunanlar
Son xəbərlər
