"Azərbaycan" Çorumda birinci yerdədir

Türkiyənin Çorum şəhərində 16 yaşlılar arasında təşkil edilən Şahmat Olimpiadasının səkkizinci turunun oyunları başa çatıb.
Qanunvehedef.az xəbər verir ki, yarışda 16 yaşadək şahmatçılardan ibarət əsas yığmamızın – “Azərbaycan” komandasının Ukrayna millisi ilə qarşılaşması heç-heçə başa çatıb. “Azərbaycan-Naxçıvan” komandası isə Honkonq komandası ilə “sülh”ə razılaşıb.
Qeyd edək ki, “Azərbaycan” komandası 14 xalla birinci pillədədir. Sonrakı iki yerdə isə Özbəkistan və Qazaxıstan komandaları qərarlaşıblar.