Avro-2020: Ən sürətli futbolçuları

Avropa çempionatının ən sürətli 5 futbolçusunun siyahısı açıqlanıb.
Qanunvehedef.az xəbər verir ki, bu barədə UEFA-nın rəsmi Tvitter səhifəsində paylaşım edilib.
Birinci pillədə İtaliya yığmasının müdafiəçisi Leonardo Spinatsola qərarlaşıb. 28 yaşlı cinah oyunçusunun sürəti 33,8 km/saatdır.
Onu Uels yığmasının yarımmüdafiəçisi Daniel Ceyms (33,5 km/saat) təqib edir. "3-lüy"ü İngiltərə millisinin hücumçusu Rəhim Sterlinq (33,1 km/saat) qapayır.
5 ən sürətli futbolçu siyahısına İsveçrə yığmasından Bril Embolo (32,8 km/saat) və İtaliyanın daha bir təmsilçisi Covanni Di Lorentso (32,6 km/saat) da düşüb.