“Beşiktaş”ın fan klubu Belçikada “Qarabağ”ı dəstəkləyəcək

Xəbər verdiyimiz kimi, bu gün “Qarabağ” Konfrans Liqasının 1/8 final mərhələsinin cavab görüşünə çıxacaq.
Qanunvehedef.az xəbər verir ki, Azərbaycan təmsilçisi evdə 1:0 hesabı ilə qalib gəldiyi “Gent”lə qarşılaşacaq.
Matçın start fiti saat 00:00-da veriləcək.
Ağdam klubu üçün tarixi əhəmiyyət daşıyan matça gələcək azərbaycanlı azarkeşlərin sayı da bəlli olub. Belə ki, komandamızı səfərdə 400-də çox tərəfdar dəstəkləyəcək. Onların əksəriyyəti Avropada yaşayan həmyerlilərimizdir.
Bundan başqa Türkiyənin “Beşiktaş” klubunun Avropa fan klubu da tribunalarda yer alacaq. Onlar Azərbaycan təmsilçisinə dəstək nümayiş etdirəcəklər.