Zaqatalada oğurluq edən keçmiş məhkum yenidən tutuldu
Baxılıb: 484 Tarix: 11-10-2019 11:51
Zaqatala rayonunda evdən qızıl-zinət əşyaları oğurlayan şəxs saxlanılıb.
Qanunvehedef.az "Ölkə.Az"a istinadən xəbər verir ki, Zaqatala Rayon Polis Şöbəsinə rayon ərazisindəki evlərin birindən qızıl-zinət əşyalarının oğurlanması barədə müraciət daxil olub.
Polis əməkdaşları tərəfindən hadisə yerinə baxış keçirilib, zərərçəkmişə məxsus evdən ümumi dəyəri 5000 manat olan qızıl-zinət əşyalarının oğurlandığı müəyyən edilib.
Zaqatala RPŞ-nın əməkdaşları tərəfindən "isti izlər"lə keçirilən əməliyyat-axtarış tədbirləri nəticəsində cinayət əməlini törədən şəxsin, əvvəllər də oğurluğa görə məhkum olunmuş, rayonun Aşağı Tala kənd sakini Elxan Canımov olduğu müəyyən edilərək şübhəli şəxs qismində saxlanılıb. Oğurladığı qızıl-zinət əşyaları ondan maddi sübut kimi götürülüb.
Faktla bağlı cinayət işi başlanılıb, araşdırmalar davam etdirilir.
Ən çox oxunanlar
Son xəbərlər
