Azərbaycanda avtomobil elektrik dirəyinə çırpılıb — Sürücü ölüb, iki kəndə elektrik verilişi dayanıb

Göyçay rayonunda ölümlə nəticələnən yol-nəqliyyat hadisəsi baş verib.
Qanunvehedef.az apa-ya istinadən bildirir ki, hadisə ötən gecə rayonun Qarabaqqal kəndində qeydə alınıb.
Kənd sakini 1984-cü il təvəllüdlü Xəlilov Anar Muxtar oğlu idarə etdiyi "VAZ 2107" markalı minik avtomobili ilə hərəkətdə olarkən idarəetməni itirib və avtomobil yoldan çıxaraq elektrik dirəyinə çırpılıb. Hadisə zamanı ağır bədən xəsarətləri alan A. Xəlilov dünyasını dəyişib.
Avtomobilin çırpıldığı elektrik dirəyi aşıb, naqillər qırıldığı üçün iki kəndə elektrik verilişi dayanıb.
Faktla bağlı araşdırma aparılır.