Bakıda ev alqı-satqısı ofisinə basqın oldu
Baxılıb: 610 Tarix: 08-01-2020 10:17
Bakıda ev alqı-satqısı ofisində quldurluq edilib.
Qanunvehedef.az report-a istinadən xəbər verir ki, hadisə yanvarın 7-də saat 18 radələrində, paytaxtın Nizami rayonunun R.Rüstəmov küçəsində qeydə alınıb.
Belə ki, paytaxt sakini, 1968-ci il təvəllüdlü V.Nəbiyev ev alqı-satqısı ofisində olan zaman 1954-cü il təvəllüdlü Ə.Məmmədov tərəfindən bıçaqla hədələnərək 500 manat pulu və mobil telefonu quldurluq yolu ilə ələ keçirilib.
Daha sonra V.Nəbiyev hüquq-mühafizə orqanları əməkdaşlarına müraciət edib.
Nizami Rayon Polis İdarəsinin 24-cü Polis Şöbəsinin əməkdaşları tərəfindən keçirilən əməliyyat-axtarış tədbirləri nəticəsində hadisəni törətməkdə şübhəli bilinən Ə.Məmmədov müəyyən edilərək saxlanılıb.
Faktla bağlı Cinayət Məcəlləsinin müvafiq maddələri ilə cinayət işi başlanılıb, araşdırmalar aparılır.
Ən çox oxunanlar
Son xəbərlər
