Bakıda cins it oğurlandı
Baxılıb: 774 Tarix: 21-01-2020 11:03
Bakıda cins it oğurlanıb.
Report-un xəbərinə görə, hadisə yanvarın 19-da gecə saatlarında, paytaxtın Binəqədi rayon ərazisində qeydə alınıb.
Belə ki, Bakı şəhər sakini, 1976-cı il təvəllüdlü L.Həsənova məxsus Binəqədi qəsəbəsində yerləşən evdən “Xaski” cinsli it oğurlanıb.
Daha sonra L.Həsənov hüquq-mühafizə orqanları əməkdaşlarına müraciət edib.
Binəqədi Rayon Polis İdarəsi (RPİ) 6-cı Polis Bölməsi (PB) əməkdaşlarının keçirdikləri əməliyyat-axtarış tədbirləri nəticəsində hadisəni törətməkdə şübhəli bilinən Şamaxı rayon sakini, 1991-ci il təvəllüdlü İ.Qaçayev saxlanılıb.
Faktla bağlı araşdırma aparılır.
Ən çox oxunanlar
Son xəbərlər
