Bakının üç rayonunda əməliyyat: 6 nəfər həbs edildi
Baxılıb: 1 137 Tarix: 17-06-2020 13:34
Bakının Nərimanov rayonunda oğurluq hadisəsi baş verib.
Qanunvehedef.az Teleqraf.com-a istinadən xəbər verir ki, iyunun 15-də Bakı şəhər sakini E.Təhməzovun "VAZ-2106" markalı avtomobilinin qaçırılması barədə Nərimanov RPİ-nin 17-ci Polis Şöbəsinə müraciət daxil olub.
Polis əməkdaşlarının keçirdikləri əməliyyat-axtarış tədbirləri nəticəsində nəqliyyat vasitəsini qaçırmaqda şübhəli bilinənlər - Balaxanı qəsəbə sakinləri M.Qasımov və əvvəllər məhkum olunmuş E.Heydərov müəyyən edilərək saxlanılıblar.
Bundan başqa, Binəqədi rayon Polis İdarəsinin 40-cı polis bölməsi əməkdaşlarının keçirdikləri əməliyyat-axtarış tədbirləri nəticəsində iyunun 16-na keçən gecə Xocəsən qəsəbəsindəki mağazaların birindən 504 manat dəyərində mobil telefon və 285 manat pul oğurlamaqda şübhəli bilinən Bakı şəhər sakini, əvvəllər məhkum olunmuş Ə.Babayev tutulub.
Xətai rayon Polis İdarəsinin 34-cü polis şöbəsi əməkdaşlarının keçirdikləri əməliyyat-axtarış tədbirləri nəticəsində rayon ərazisindəki 3 mənzildən qızıl-zinət əşyaları oğurlamaqda şübhəli bilinən Bakı şəhər sakinləri C.Həsənov və əvvəllər məhkum olunmuş P.Mustafayev saxlanılıblar.
Ən çox oxunanlar
Son xəbərlər
