Bu ilin altı ayı ərzində cəzalandırılan icra məmurlarının sayı açıqlandı

İcra xidmətində haqqında çoxsaylı şikayət olan 12 icra məmuru ilə bağlı müvafiq tədbirlər görülüb.
Bu barədə Ədliyyə Nazirliyinin "Məhkəmə qərarlarının icrasının təşkili" mövzusunda keçirilən mətbuat konfransında Nazirliyin İcra baş idarəsinin rəis müavini Fərid Əfəndiyev məlumat verib.
Onun sözlərinə görə, vətəndaşlara qarşı laqeyd münasibət göstərən, kobudluq edən icra məmurları ilə bağlı ciddi tədbirlər görülür və bu proses davam etdiriləcək:
"Ədliyyə orqanlarında çalışan şəxslərin vətəndaşlarla ünsiyyətinə ciddi nəzarət olunur. Çünki aidiyyəti üzrə icra məmurları nizam-intizam qaydalarına birmənalı şəkildə riayət etməlidirlər. Nizam-intizam qaydalarına düzgün riayət etməyən icra məmurları ilə bağlı mübarizə tədbirləri aparılır".

Qanunvehedef.az