Silahı könüllü təhvil ver, məsuliyyətdən azad ol

Daxili İşlər Nazirliyi qanunsuz saxlanılan silah-sursatla bağlı növbəti dəfə əhaliyə müraciət edib.
Qanunvehedef.az nazirliyin Mətbuat xidmətinə istinadən xəbər verir ki, yanvarın 8-də 7 ədəd avtomat, 1 tapança, 3 ədəd qumbara, 1 alışdırıcı, 30 ədəd müxtəlif markalı tüfəng, 10 patron darağı və 766 ədəd müxtəlif çaplı sursat polis əməkdaşlarına könüllü təhvil verilib:
“Könüllü olaraq odlu silahları təhvil verməyən şəxslərdən isə yanvarın 8-də 4 ədəd tapança, 16 ədəd müxtəlif markalı tüfəng, 5 ədəd patron darağı və 28 ədəd müxtəlif çaplı sursatı polis əməkdaşları əməliyyat tədbirləri ilə aşkarlayıblar.
Hər bir fakt üzrə araşdırma aparılır. Qanunsuz saxlanılan odlu və döyüş silahlarını, partlayıcıları könüllü təhvil verən hər bir insan vətəndaşlıq nümunəsi göstərir”.

Qanunvehedef.az