İlham Əliyev ordumuzun Şuşa uğrunda əfsanəvi döyüşlərindən danışdı
Baxılıb: 924 Tarix: 10-12-2020 14:43
“Şanlı müharibəmizin yekunu da Şuşa şəhərində oldu. Noyabrın 8-də Şuşa şəhərinin işğaldan azad edilməsi tarixi nailiyyətimizdir. Şuşa işğal altına düşmüş birinci şəhərimiz idi və işğaldan azad olunan sonuncu şəhər oldu”.
Bunu Azərbaycan Respublikasının Prezidenti İlham Əliyev Zəfər paradında çıxışı zamanı bildirib.
Prezident bildirib ki, Şuşa düşməndən azad olunandan sonra düşmənin beli qırıldı: “Düşməni təslim olmağa məcbur etdik. Şuşanın azad edilməsi tarixi hadisədir. Bizim ordumuz, qəhrəman övladlarımız dağlardan, dərələrdən, meşələrdən, cığırlardan keçərək, sıldırım qayaları qət edərək, qayalara dırmaşa-dırmaşa, Şuşaya qalxaraq, orada əlbəyaxa döyüşdə düşməni məhv etdi.
Azərbaycan bayrağını Şuşada qaldırdı. Ondan bir gün sonra daha 70 kənd işğalçılardan azad ediləndən sonra Ermənistan artıq təslim oldu. Ağ bayraq qaldırdı, diz çökdü, öz layiqli cəzasını aldı və imdad dilədi. Biz Ermənistanı döyüş meydanında məhv etdik. Yaratdıqları mifi darmadağın etdik”.
“44 gün ərzində Ermənistanın canlı qüvvəsi və texnikası məhv edildi. Azərbaycan öz gücünü, qüdrətini göstərdi. Noyabrın 10-da Ermənistan məcbur olub kapitulyasiyaya imza atıb. Bununla Kəlbəcər, Laçın, Ağdam bir güllə atılmadan biz qaytarıldı”, - deyə İlham Əliyev qeyd edib
Qanunvehedef.az
Ən çox oxunanlar
Son xəbərlər
