İranın sözü varsa, bizə desin, Ərdoğana yox!

Ərdoğanın söylədiyi bayatı İran rəsmilərinin gülünc etirazına səbəb olunca Güney Azərbaycanda dillərə düşdü.
Kult.az xəbər verir ki, bu sözləri millət vəkili, xalq şairi Sabir Rüstəmxanlı deyib.
Xalq şairi bildirib ki, böyüklü-kiçikli hər kəs bunu təkrarlayır, birlik duyğumuzdan yaranmış yeni şeirlər sosial mediada yayılır:
“Tehran unutmasın ki, bu, xalq ədəbiyyatıdır, 50 milyonun dilindəndir. Narahat olsalar, onlarla belə bayatı səslənər. Hər birinin yüz-iki yüz il yaşı var. Sözü varsa, bu bayatıları qoşan otaylı-butaylı türklərə, onların babalarına desin, hörmətli Ərdoğana yox!
Araz, Araz, Xan Araz!
Dağlardan axan Araz!
Qardaşdan ayrı saldın,
Evimi yıxan Araz!”.