Zelenski bu şərtlərlə Krıma səfər edə bilər - Vitse-spiker

Krım parlamentinin birinci vitse -spikeri Efim Fiks Ukrayna Prezidenti Vladimir Zelenskinin Krımın heç vaxt Rusiya ərazisi olmayacağı ilə bağlı fikirlərinə münasibət bildirib.
Qanunvehedef.az xəbər verir ki, o, Zelenskiyə bu bölgəyə səfərdən əvvəl, Krım xalqının tarixi vətəni Rusiya ilə yaşamaq seçimini tanımasını deyib.
"Zelenski millətçi vərdişlərindən açıq şəkildə imtina etsə və iki dövlət arasında yaxınlaşma yolunu tutsa, ədalətli olar. O, yaxşı və istedadlı komediya ustasıdır, lakin tarixən savadsız siyasətçidir. Tarixin şərhindən məsul olsaydı, Krımın heç vaxt Ukraynada olmadığını bilərdi. Bura 1990-cı illərdə Ukrayna tərəfindən qanunsuz və müvəqqəti olaraq özəlləşdirilib".
Qeyd edək ki, V. Zelenski müsahibələrinin birində rusların heç vaxt Krımı ukraynalılar qədər sevməyəcəyini söyləyib və yarımadanın Kiyevin nəzarətinə qaytarılmasını vaxt məsələsi adlandırıb.шаблоны для dle 11.2