Emin Əmrullayev Salyan şəhərində sakinləri qəbul edəcək

Elm və təhsil naziri Emin Əmrullayev sentyabrın 28-də Salyan şəhərində Şirvan şəhəri, Hacıqabul, Neftçala, Biləsuvar və Salyan rayonlarında qeydiyyatda olan sakinləri qəbul edəcək.
Qanunvehedef.az xəbər verir ki bu barədə Elm və Təhsil Nazirliyi məlumat yayıb.
Qəbulda qeyd olunan şəhər və rayonlarda müvəqqəti məskunlaşmış məcburi köçkünlər də iştirak edə bilərlər.Qeyd olunan şəhər və rayonların sakinləri 16 sentyabr 2022-ci il (saat 18:00-dək) tarixinədək Elm və Təhsil Nazirliyinin Çağrı Mərkəzinin 146-6 nömrəli telefonuna (yalnız iş günləri və saatları ərzində) zəng, elektron (https://edu.gov.az/az/contact_us) və rəsmi "Whatsapp" xidmətinə (0512067848) müraciət etməklə qəbula yazıla bilərlər.