Oqtay Gülalıyev “Amerikan” xəstəxanasına köçürüldü
Baxılıb: 553 Tarix: 20-11-2019 14:41
Hüquq müdafiəçisi Oktay Gülalıyev İstanbulda yerləşən "Amerikan" xəstəxanasına köçürülüb.
Qanunvehedef.az xəbər verir ki, bu barədə məlumatı hüquq müdafiəçisinin oğlu Təbriz Gülalıyev sosial şəbəkə hesabında paylaşıb.
O bildirib ki, köçürülmə az öncə həyata keçirilib:
“Həkimlər köçürülməsində heç bir təhlükə olmayacağını deyiblər”.
Xatırladaq ki, 29 oktyabr tarixində axşam saatlarında hüquq müdafiəçisi Oqtay Gülalıyevi piyada keçidindən yolu keçərkən avtomobil vurub. Gülalıyev ağır xəsarət alıb. Qəzanı 90 PZ 543 dövlət nömrə nişanlı, “Hunday" markalı avtomobilin sürücüsü törədib. Sürücü hadisədən dərhal sonra Gülalıyevi xəstəxanaya çatdırıb.
Heydər Əliyev Fondunun prezidenti, Azərbaycan Respublikasının Birinci vitse-prezidenti Mehriban Əliyevanın tapşırığı ilə Heydər Əliyev Fondu hüquq müdafiəçisi Oqtay Gülalıyevin müalicəsi ilə bağlı məsələlərin həllini üzərinə götürüb və o, müalicə üçün Türkiyəyə aparılıb.
Ən çox oxunanlar
Son xəbərlər
