Daha bir həkim səhlənkarlığı: körpə öldü

Abşeronda yeni doğulan körpə ölüb.
Bu barədə Trend-ə Abşeron rayon sakini Çinarə Çələbiyeva məlumat verib.
Onun sözlərinə görə, hadisə aprelin 11-də Abşeron Rayon Mərkəzi Xəstəxanasının Mamalıq-Ginekologiya Şöbəsində baş verib.
Şikayətçi bildirib ki, həmin gün saat 11 radələrində bacısı Durdanə şöbədə qeysəriyyə əməliyyatı ilə uşaq dünyaya gətirib. Lakin uşaq şöbədə Kəmalə adlı həkimin səhlənkarlığından ölüb.
Faktla bağlı Abşeron Rayon Prokurorluğunda araşdırma aparılır.