"QARABAĞDAKI ERMƏNİLƏR ÜÇÜN STATUS MƏSƏLƏSİ YOXDUR" - "Bu, Ermənistanın məhv olması deməkdir"

Ermənistanın baş naziri Nikol Paşinyanın 19 oktyabr 2020-ci il tarixində müxalif Daşnaksütyun partiyasının parlamentdənkənar rəsmiləri ilə görüşünün bəzi detalları məlum olub.
Bu barədə “Hayastan” (Ermənistan - Red) blokundan deputat seçilən İşxan Saqatelyan məlumat verib.


İşxan Saqatelyan
İşxan Saqatelyan daha sonra  qeyd edib ki, görüş gərgin keçib:“Oktyabrın 19-da o, müşavirəyə onunla başladı ki, vəziyyət ağırdır, itkilərimiz çoxdur. Soruşdum ki, heç olmasa status məsələsi (Qarabağda qalan ermənilərə – Red) varmı, o, (Nikol Paşinyan- Red) “yox” cavabını verdi. Ona xitabən dedim: sən, əslində, 23-24 gün “biz qalib gələcəyik” qışqırdın, indi deyirsən ki, kapitulyasiyaya imza atacaqsan. Cavab verdi ki, vəziyyət belədir və ondan əvvəlki rəhbərlik yaxşı miras qoymayıb”.
Deputat əlavə edib ki, kapitulyasiya Ermənistanın məhv olması deməkdir.

Qanunvehedef.az