Bakıda əhali bu il 16 milyard manatdan çox pul xərcləyib
Baxılıb: 635 Tarix: 05-12-2019 12:25
2019-cu ilin yanvar-oktyabr aylarında Bakıda ticarət dövriyyəsinin həcmi 2018-ci ilin yanvar-oktyabr ayları ilə müqayisədə 3,4 faiz artaraq 16 milyard 929,3 milyon manat olub.
Qanunvehedef.az trend-ə istinadən xəbər verir ki, ticarət şəbəkəsində satılmış ərzaq məhsulları, içkilər və tütün məmulatlarının dəyəri əvvəlki ilin müvafiq dövrü ilə müqayisədə 3,2 faiz artaraq 7 milyard 748,2 milyon manata, qeyri-ərzaq məhsullarının həcmi isə 3,9 faiz artaraq 9 milyard 181,1 milyon manata bərabər olub.
İstehlak məhsullarının 28,6 faizi hüquqi şəxs statuslu müəssisələrdə, 48,1 faizi fərdi sahibkarlara məxsus ticarət obyektlərində, 23,3 faizi isə paytaxtın məhsul bazarlarında satılıb.
Ən çox oxunanlar
Son xəbərlər
