Deputat intihar edən tələbələrdən yazdı...
Baxılıb: 620 Tarix: 10-10-2022 10:08
Millət vəkili Etibar Əliyev son vaxtlarda yüksək bal toplayaraq ali məktəbə qəbul olunan tələbələrin intiharı barədə yazıb.
Qanunvehedef.az zəbər verir ki, E.Əliyev baş vermiş hadisələrin dərindən təhlil edilməli olduğunu, bunun kökündə təhsil problemlərinin dayandığını qeyd edib:
“2016-cı ilin oktyabr ayının 10-da Bakı Ali Neft Məktəbinin 4-cü kurs tələbəsi Abbasov Hüseyn Maarif oğlu intihar etmişdi. H. Abbasov qəbul imtahanlarından 670 bal toplayıb bu il ali məktəbə daxil olmuşdu.
2022 –ci ilin oktyabr ayının 7-də UNEC-in 4-cü kurs tələbəsi Şəhriyar Səmədov Bakının Nizami rayonu, Qara Qarayev prospektində kirayə yaşadığı mənzildə özünü asıb. Şəhriyar 684,8 bal toplayaraq UNEC- ə qəbul olunmuşdu. O, həm də Prezident təqaüdçüsü idi. Etiraf edək ki, hər iki Ali məktəbdə yüksək təhsil mühiti formalaşdırılıb.
Ancaq belə bir analogiya!!! Bu iki dəyərli gəncin özlərinə qəsd etmələri insanın qanını dondurur. İntihar aktları dərindən təhlil olunmalıdır. Əlbəttə ki, bu, sosioloqlarla psixoloqların işidir. Ali məktəblərdə Sosiologiya və Psixologiya elmlərinin tədrisi dalana sıxılıb. Müəllimlərin fənlərdəki yeniliklərdən xəbərləri yoxdur. Fəlsəfə isə ümumiyyətlə yığışdırılır. Cəmiyyət və fərdlə bağlı 3 elm sahəsinin tələbələrə tədrisi acınacaqlı durumdadır. Televiziyaları isə tənqid etmək olmaz. Bu, sırf təfəkkür məsələsidir”.
Qeyd edək ki, bir neçə gün əvvəl intihar edən Şəhriyar Səmədovun atası Şahin Səmədli də təhsil işçisidir.
Ən çox oxunanlar
Son xəbərlər
