Rusiya mövqeyini itirdi: Çin ikinci yerə qalxdı

Çin dünyada silah istehsalının və satışının həcminə görə ABŞ-dan sonra ikinci yeri tutub.
Qanunvehedef.az xəbər verir ki, bu məlumat Stokholm Beynəlxalq Sülh Problemləri Tədqiqatı İnstitutunun xüsusi hesabatında yer alıb. Məlumata görə, Rusiya yeni reytinqdə üçüncü pillədə qərarlaşıb. Hesabatda 2017-ci ildə dünyanın 100 ən böyük silah şirkəti siyahısında ilk 20 yeri 11 ABŞ şirkəti, 6 Qərbi Avropa , 3 Rusiya şirkətinin tutduğu vurğulanıb.
SİPRİ indiyə qədər Çin şirkətlərini siyahıya onlarla bağlı yetərli məlumata sahib olmadığı üçün salmayıb. Bununla elə 2015-2017-ci ildə Çinin silah satışı barədə məlumat əldə edən SİPRİ nəticədə Çin şirkətlərinin mövqeyini formalaşdıra bilib. Belə ki, ekspertlər Çinin hərbi sənayesinin əsasını 10 şirkətin və 1 elmi-tədqiqat institutunun təşkil ediyini açıqlayıblar. Bunlardan 7-sinin öz sektorlarında ən böyükləri olduğu vurğulanıb. Bu siyahıya təyyarə və digər avioniklər istehsalçısı olan AVİC-in, raketlər və kosmik texnika istehsalçısı olan CASİC-in, elektronika və hərbi texnika üçün radar, eləcə də proqram təminatı hazırlayan CETC-in, yerüstü texnika istehsalçısı NORİNCO və CSGC-nin, gəmiqayırma şirkətləri olan CSİC-in və CSSC-in daxil olduğu qeyd edilib.шаблоны для dle 11.2