Akardan Rusiya açıqlaması: Problemlər yaşayırıq

İdlib məsələsi ilə bağlı Rusiya ilə bir neçə razılaşma olsa da, onların həyata keçirilməsində problemlər yaşayırıq.
Qanunvehedef.az xəbər verir ki, bunu Türkiyənin Milli Müdafiə naziri Hulusi Akar sabah Rusiya və Türkiyə prezidentləri arasında keçiriləcək görüşə münasibət bildirərkən deyib.
“Bizim məqsədimiz bölgədə sülhün təmin edilməsidir. Bunu cənab Putinə də çatdıracağıq. Lap əvvəldən biz mövqeyimizi ortaya qoymuşuq. Axan qanı dayandırmaq və bölgəyə sülh gətirmək üçün daima çalışırıq. Türkiyə Prezidenti Rəcəb Tayyib Ərdoğan da bölgədə əmin-amanlığın təmin edilməsinə, Rusiya ilə razılaşdırılan məsələlərin reallaşmasına çalışır”, - nazir bildirib.