İrandan mülki təyyarəyə hücumla bağlı məsuliyyətsiz açıqlama - "Hərbçilər yaxşı nəticə əldə ediblər"

İran parlamentinin deputatı Həsən Novruzinin sözləri Ukrayna hökuməti tərəfindən birmənalı qarşılanmayıb, buna görə də rəsmi Kiyev Tehrandan buna aydınlıq gətirilməsini istəyib. Bunu Ukraynanın Baş Nazirinin müavini Vadim Pristayko bildirib.
APA-nın “RİA Novosti”yə istinadən verdiyi xəbərə görə, Novruzi deyib ki, İran hərbçiləri Ukraynaya məxsus “Boeing 737-800” təyyarəsinin vurulması zamanı “öz öhdəliklərini yaxşı yerinə yetiriblər”.
Bildirilir ki, İran parlamentinin deputatı, eləcə də qanunvericilik və hüquq məsələləri üzrə komissiyanın üzvü Həsən Novruzi Tehran üzərində təyyarənin vurulmasından sonra təqsirkarların həbs edilməsini mənasız addım adlandırıb və əlavə edib ki, iranlı hərbçilər “yaxşı nəticə” əldə ediblər.
“Biz bu bəyanatla bağlı İrandan təcili açıqlama istəyirik. O, insan həyatına tamamilə hörmətsizlik nümayiş etdirir. İrandan, Ukraynadan, Kanadadan, İsveçdən, Britaniyadan və Əfqanıstandan olan onlarla ailə müdafiəsiz mülki təyyarəyə hücum nəticəsində öz yaxınlarını itiriblər”, - deyə Pristayko “Twitter” səhifəsində yazıb.

Qanunvehedef.azшаблоны для dle 11.2