Van gölündən çıxarılan cəsədlərin sayı 60-a çatdı

Türkiyənin Van gölündə qaçqınları daşıyan qayığın batması ilə əlaqədar aparılan axtarışlar nəticəsində sudan çıxarılan cəsədlərin sayı 60-a çatıb.
Qanunvehedef.az xəbər verir ki, iyulun 1-də batan qayıqda itkin düşən şəxslərin axtarışı Türkiyə Milli Müdafiə Nazirliyinin birinci dərəcəli dalğıc heyəti tərəfindən həyata keçirilib.
Sualtı axtarış cihaz sistemindən istifadə edərək qayığın təxminən 107 metr dərinlikdə olduğu müəyyən edilmişdi. Hadisənin birinci günü cəmi 6 cəsəd tapılmışdı.
Qeyd edək ki, qayıq batarkən orada 55-60 qaçqının olduğu bildirilirdi. Ehtimal olunur ki, hadisə nəticəsində itkin düşənlərin hamısının cəsədi tapılıb.