Erməni ekspert Simonyanı təhqir etdi: Quldur Putinin... - Video

Simonyan, Keosayan, Markaryan, Mirzoyan - bunların ermənilərə aidiyyəti yoxdur, onların hamısı Rusiyanın agentləridir.
Qanunvehedef.az xəbər verir ki, bu sözləri Ermənistanın Birinci informasiya agentliyinə müsahibəsində politoloq Levon Şirinyan deyib. Onun sözlərinə görə, Marqarita Simonyan və onun qismində olanlar rusiyalı quldarların qullarıdır.
“Əgər biz bu adamların dediklərinə əhəmiyyət veririksə, onlar Rusiya mühitində çox vacib fiqura çevrilirlər. Onlara məhəl qoymasaq, sahiblərinin yanında dəyərlərini itirəcəklər”, - politoloq qeyd edib.
Şirinyan hesab edir ki, onları erməni mənşəli olanlardan ayırmaq lazımdır:
“Rusiya erməniləri arasında artıq qeyri-erməni kimi doğulmuş şəxslər də var. Ona görə də bundan sonra belələrinin erməni olmaması prinsipini qəbul etməliyik. Bunda xüsusi bir faciə yoxdur. Çox güman ki, onlar artıq Pravoslav Kilsəsinə də gedirlər”.
Qeyd edək ki, Putinin siyasi təbliğat aparatının rəhbəri sayılan Marqariya Simonyanın Tovuz hadisələri ilə bağlı ermənilərə ittihamları Ermənistanda şok effekti yaradıb.
шаблоны для dle 11.2