Ölkədəki durum xalqı boğaza yığıb – Çarukyan

Ermənistandakı fövqəladə vəziyyət ölkə vətəndaşlarını boğaza yığıb.
Qanunvehedef.az xəbər verir ki, bu sözləri Çiçəklənən Ermənistan Partiyasının lideri Qagik Çarukyan İcevanda partiya nümayəndələri ilə görüşü zamanı deyib.
Partiya lideri deyib ki, kredit faizləri dondurulmalıdır, çünki vətəndaş işləmirsə, krediti ödəyə bilməyəcək.
Çarukyanın sözlərinə görə, koronavirusa yoluxan xəstələrin dərman xərcini də dövlət qarşılamalıdır.
“Ermənistanın dövlət borcu daha 1 milyard 400 milyon dram artıb. Bu məbləğ hara xərclənib?” - Q.Çarukyan qeyd edib.