Türkiyəyə izah etməyə çalışırıq: Qərb Moskvadan yaxşıdır

Strateji maraqlarına görə Türkiyə üçün Qərb və NATO ilə münasibətlər Rusiyadan daha vacibdir.
Qanunvehedef.az xəbər verir ki, bunu ABŞ Dövlət katibinin köməkçisinin müavini Metyu Palmer deyib.
“Biz türkiyəli tərəfdaşlarımızla ABŞ-la münasibətlərin gücləndirilməsi üçün çalışırıq. Türkiyəyə izah etmək istəyirik ki, onun maraqları üçün Moskvadan daha çox, Qərb tərəfdaşlarıyla münasibətləri vacibdir. Türkiyənin strateji maraqları NATO-dakı müttəfiqləri ilə daha dayanıqlı və yaxşı münasibətlər qurulmaqdan ibarət olmalıdır. Vaşinqton Türkiyənin NATO-dakı töhfəsini, xüsusilə, Əfqanıstan və Kosovadakı missiyalarını yüksək dəyərləndirir. Ankaraya da aydın şəkildə izah etdiyimiz kimi, əldə edilən S-400 sistemləri NATO müttəfiqi kimi onun öhdəliklərinə ziddir”, – deyə o bildirib.
Qeyd edək ki, ABŞ CAATSA federal qanunu çərçivəsində Türkiyəyə sanksiya tətbiq edib.