Türkiyəyə sanksiya Rusiyanın qarşısını alacaq

ABŞ-ın Türkiyəyə tətbiq etdiyi sanksiyalar Rusiya Federasiyasının gəlir əldə etməsinə mane olacaq.
Qanunvehedef.az xəbər verir ki, bu barədə ABŞ Dövlət katibi Mayk Pompeonun Türkiyə XİN başçısı Mövlud Çavuşoğlu ilə danışığının yekunlarına dair ABŞ Dövlət Departamentinin məlumatında qeyd edilib.
“Pompeo vurğulayıb ki, sanksiyaların tətbiqində məqsəd Rusiyanın gəlir əldə etməsinin, eləcə də təsirinin qarşısının alınmasıdır və bu, ABŞ-ın istənilən digər müttəfiqi və ya tərəfdaşı kimi, Türkiyənin hərbi potensialının və ya döyüş hazırlığının pozulmasına yönəlməyib”, - deyə məlumatda bildirilib.