Barensdə gəmi batdı: 17 nəfər öldü

Bu gün səhər saatlarında Barens dənizinin Rusiya sahillərində batan “Oneqa” balıqçı gəmisinin 17 heyət üzvü böyük ehtimalla həlak olub.
Qanunvehedef.az xəbər verir ki, bu barədə “RİA Novosti” agentliyi məlumat yayıb.
Ümumilikdə, gəmidə 19 nəfər olub, iki nəfər dərhal xilas edilib, qalan 17 nəfər itkin düşmüş kimi siyahıya alınıb.
“Çox güman ki, 17 nəfərin hamısı ölüb”, - deyə təcili tibbi yardımdan bildirilib.
Hadisənin ilkin səbəbi kimi buzlaşma göstərilib.
Məlumata görə, Barens dənizində suyun temperaturu həddindən artıq aşağıdır. Bu isə axtarışlara əngəl olur.