Rusiyada Mİ-8 helikopteri qəzaya uğradı

Bu gün Rusiyanın Kamçatka əyalətində turistləri daşıyan “Vityaz-Aero”aviakompaniyasına məxsus Mİ-8 helikopteri qəzaya uğrayıb.
Qanunvehedef.az TASS-a istinadən xəbər verir ki, helikopter Nikolayevka kəndi-Kuril gölü-Xodutka vulkanı marşrutu üzrə hərəkət edərkən Kronotski təbiət qoruğunun Kuril gölü ərazisində qəzaya düşüb.
Helikopterdə 13 turist və 3 nəfər ekipaj üzvü olub. Qəza nəticəsində onlardan 8-i həlak olub.
Hazırda axtarış tədbirləri davam etdirilir.