Afinadan Türkiyəni təəccübləndirən daha bir açıqlama

AB vizasız gediş-gəliş və ticarətlə bağlı Türkiyəyə verdiyi vədləri yerinə yetirməlidir.
Qanunvehedef.az xəbər verir ki, bunu Yunanıstanın miqrasiya işləri üzrə naziri Notis Mitarakis Almaniyanın "Velt" qəzetinə deyib.
“Qaçqın müqaviləsinə həm Ankara, həm də Avropa tərəfinin hörmət etməsi vacibdir”, - deyə o bildirib.
Qeyd edək ki, bundan öncə Yunanıstan Baş naziri Kiryakos Miçotakis də miqrasiya böhranının həllində Türkiyənin önəmli rol oynadığını, bu səbəbdən Avropanın Türkiyə ilə konstruktiv şəkildə çalışmasında israr etdiyini açıqlamışdı.
Türkiyə-Yunanıstan siyasi əlaqələrində problemlər olduğu üçün rəsmi Afinanın bu məsələdə ədalətli mövqeyi diqqət çəkir.