Aso vulkanı iki ildən sonra püskürdü

Yaponiyada Aso vulkanı püskürüb.
Qanunvehedef.az “Kiodo” agentliyinə istinadən xəbər verir ki, vulkan Kumamoto prefekturasında yerləşir.
Yaponiyanın Baş meteoroloji idarəsi təhlükəsizlik səviyyəsini mümkün 5-dən 3-ə qaldırıb. Bununla yanaşı, əhaliyə vulkanın təhlükəsi ilə bağlı xəbərdarlıq edilib və bildirilib ki, püskürmə nəticəsində qaya parçaları 2 km məsafəyə kimi atıla bilər.
Qeyd olunur ki, vulkanın yaxınlığında Toşima kəndi yerləşir və kənd sakinləri püskürmə səbəbindən təhlükə ilə üzləşə bilərlər.
Zərərçəkənlər və dağıntılar barədə məlumat daxil olmayıb.
Qeyd edək ki, Aso dünyanın ən böyük vulkanlarından biri hesab olunur. Onun hündürlüyü 1592 metrə çatır. Sözügedən vulkan sonuncu dəfə 2019-cu ildə püskürüb.