Bayden Vatikanda özünü “Jillin əri” deyə təqdim edib

ABŞ Prezidenti Co Bayden Vatikana səfəri çərçivəsində maraqlı an ilə yadda qalıb.
Qanunvehedef.az “RİA Novosti”yə istinadən xəbər verir ki, Bayden Papa Evinin əməkdaşlarından birinə özünü ABŞ Prezidenti olaraq təqdim etməyib.
Məlumata əsasən, Bayden bunun əvəzində “Mən Jillin əriyəm” deyə özünü əməkdaşlardan birinə təqdim edib.
Qeyd edək ki, Bayden və həyat yoldaşı Jill bu gün Vatikana rəsmi səfər ediblər. Bu, Baydenin ABŞ Prezidenti vəzifəsinə keçməsindən sonra Vatikana ilk səfəridir. Bununla belə, bu, Bayden və Roma Papası Fransisk arasında dördüncü görüşdür.