Ermənistanın Baş Qərargah rəisi həbs oluna bilər

Ermənistan Silahlı Qüvvələrinin Baş Qərargah rəisi Artak Davtyanın istefaya göndərilməsi ilə bağlı qərar verilib və yeni müdafiə naziri Suren Papikyan hazırda kadr axtarışındadır.
Qanunvehedef.az “Joxovurd” qəzetinə istinadən xəbər verir ki, yeni nazir həmin vəzifəyə uyğun namizədi hələ tapa bilmədiyindən Davtyanı vəzifəsindən azad etməyə tələsmir. Hazırda mümkün namizədlərin nəzərdən keçirilməsi mərhələsi gedir.
Davtyanın vəzifəsindən azad edilməsi ilə bağlı iki səbəb göstərilir. Birincisi, Silahlı Qüvvələrin döyüş qabiliyyətinin və mütəşəkkilliyi səviyyəsi qeyri-qənaətbəxş qiymətləndirilir ki, buna görə birbaşa Silahlı Qüvvələrin Baş Qərargah rəisi cavabdehdir. İkincisi isə Davtyan ölkənin keçmiş müdafiə naziri David Tonoyan və silah alverçisi David Qalstyanın iştirakçısı olduğu nəhəng rüşvət işində şahid qismində iştirak edir. Nəşr belə hesab edir ki, Davtyana qarşı tezliklə ittiham sürüləcək. Onun həbs olunacağı da istisna edilmir.шаблоны для dle 11.2