KTMT qüvvələri Qazaxıstandan bu tarixdə çıxarılır
Baxılıb: 171 Tarix: 11-01-2022 10:28
“Kollektiv Təhlükəsizlik Müqaviləsi Təşkilatının sülhməramlılarının Qazaxıstanda əsas missiyası başa çatıb”.
Qanunvehedef.az xəbər verir ki, bu barədə Qazaxıstan Prezidenti Kasım-Jomart Tokayev parlamentin iclasında məlumat verib.
“İki gündən sonra KTMT-nin vahid sülhməramlı kontingentinin ölkədən mərhələli şəkildə çıxarılmasına başlanılacaq”, - deyə Tokayev əlavə edib.
Prezident həmçinin vurğulayıb ki, Qazaxıstan qanuni olaraq KTMT-yə sülhməramlı kontingentin göndərilməsi xahişi ilə müraciət edib: “Hakimiyyətin ələ keçirilməsi planı üzərində sırf peşəkarlar işləyiblər. Bu, beynəlxalq terrorizm tərəfindən ölkəmizə qarşı silahlı təcavüz olduğundan, Qazaxıstan qanuni olaraq Kollektiv Təhlükəsizlik Müqaviləsi üzrə tərəfdaşlarına sülhməramlı kontingentin göndərilməsi üçün müraciət edib. Belə bir qərarın qəbulu zamanı biz sadəcə olaraq terrorçular tərəfindən ələ keçirilməyə hazır olan Almatı üzərində nəzarəti tamamilə itirə bilərdik. Almatını itirsək, paytaxtı və bütün ölkəni itirmiş olardıq”.
Qeyd edək ki, sülhməramlı qüvvələrin tərkibinə Rusiya, Belarus, Qırğızıstan, Tacikistan və Ermənistan silahlı qüvvələrinin bölmələri daxildir.
Ən çox oxunanlar
Son xəbərlər
